Ескертуді беруге арналған шектеулі уақыт билік органдарын хабардар ету уақытын азайтады. Ол толығымен ресми мерекелерге түсуі мүмкін, ал мерекелерден кейінгі белгілі бір күндері іс-шараларды өткізу мүлдем мүмкін емес. Еуропалық сот «алдын ала хабарлау жүйесі сияқты қоғамдық жиналыстарды реттейтін ережелер қоғамдық іс-шаралардың кедергісіз өтуі үшін маңызды болғанымен, олардың орындалуы өз алдына мақсат бола алмайды» деп есептеді. Сондықтан «ескерту мерзімдерін қатаң қолдану жиын бостандығына артық қол сұғуға әкелуі мүмкін».

Шолуда айтылғандай, кез келген жиналыстар амалсыз басқа адамдардың үйреншікті өмірі мен құқықтарын бұзумен ұласады. Соның ішінде көлік құралдары мен жаяу жүргіншілердің қозғалысын бұзуды қамтиды. Биліктің мұндай бұзушылыққа әрекеті қажет әрі барабар болуы керек. Оған қоса олар қолданатын шаралар бейбіт жиын құқығына қауіп төндірмеуі керек. «Еуропа соты билікке жиынға тек мақсатты аудиторияға көрінбейтін, естілмейтін, оның әсерін азайтатын жерде ғана рұқсат беру Конвенцияның 11-бабының талаптарына сәйкес келмейді деп санайды».

Көптеген жағдайларда ішкі органдардың бұқаралық іс-шараны өткізу орнын, уақытын немесе тәсілін бекітуден бас тарту себептері қалыпты өмірді бұзудың әртүрлі түрлерімен байланысты болды. Мысалы, жол қозғалысына, қоғамдық коммуналдық қызметтеріне, кәсіпкерлік қызметіне, азаматтардың күнделікті өміріне және жөндеу жұмыстарына кедергі жасау. Сот осыған байланысты қоғамдық орындардағы кез келген оқиға қарапайым өмірде қандай да бір дәрежеде қолайсыздықтар тудыруы мүмкін екенін әрі бұл факт өз алдына жиналыстар бостандығы құқығына араласуды ақтамайтынын еске салады.

«Жиынның өту жерін, уақыты мен тәсілін өзгерту ұсыныстарының астарында көбіне террористік акті болуы қаупі сынды жеке не ұлттық қауіпсіздік мәселесі жатады. Мұнда атқарушы органдардың өз шешімдерінде мұндай тәуекелдердің бар екендігін растайтын ешбір дәлелге сілтеме жасамағаны мен олардың жиын бостандығын шектеу үшін негіз болатындай соншалықты маңызды екеніне баға бермегені маңызды. Сонымен қатар, аталмыш іс жеке және ұлттық қауіпсіздікке қатер төндіруі сынды себептер кейде үкіметке қарсы қоғамдық жиындарды шектеу үшін таңдамалы түрде қолданылғанын көрсетеді, ал тура сондай үкіметті қолдайтын жиындар мен көпшілік мерекелерді террористік қауіп-қатерге қарамастан кедергісіз өткізуге рұқсат етілген”.

Еуропа соты пайымдауынша, екі іс-шарада тиісті тәртіпті сақтау шаралары арқылы қалыпты түрде өте алмайтындығы туралы нақты және объективті түсіндірме болмаған жағдайда бейбіт жиынға келісім бермеу бейбіт жиыны құқығына пропорционалды емес араласу болып табылады.

«Еуропа соты демонстранттар мен олардың қарсыластары арасындағы қақтығыс қаупі оқиғаға тыйым салуды негіздеу үшін жеткіліксіз екенін еске салады. Егер демонстрация кезінде қарама-қарсы топтардың арасындағы шиеленіс пен дау алмасу мүмкіндігі оған тыйым салуды қажет етсе, қоғам көпшіліктің сезіміне тиетін кез келген мәселе бойынша басқа пікірді есту мүмкіндігінен айырылар еді. Қоғамдық іс-шара қатысушылары қарсыластарының физикалық зорлық-зомбылығынан қорықпай өз демонстрациясын жалғастыра алу мүмкіндігіне ие болуы керек. Осылайша қатысушы мемлекеттер міндеттеріне заңды демонстрацияларды бейбіт түрде өткізуді қамтамасыз ету үшін ақылға қонымды және тиісті әрекет ету де кіреді».

2-себептегі сот жауабына қараңыз